თბილისი, 31 აგვისტო — Sputnik. საქართველოს კალათბურთის ნაკრებმა ტელ-ავივში, ევროპის ჩემპიონატის სასტარტო მატჩში ლიტვის გუნდს ანგარიშით 79:77 მოუგო.
თამაში თანასწორი და დაძაბული იყო, რასაც პირველი და მეოთხე მეოთხედების ანგარიში მოწმობს — 18:18 და 20:20 შესაბამისად.
იონას კაზლაუსკასის აღსაზრდელებმა მეორე მეოთხედი ანგარიშით 21:16 მოიგეს.
ქართველმა კალათბურთელებმა კი გაცილებით უკეთესად მესამე მეოთხედში ითამაშეს, რომელიც ანგარიშით 25:18 მოიგეს.
ყველაზე შედეეგიანი თორნიკე შენგელია აღმოჩნდა, რომელმაც 29 ქულა დააგროვა. საქართველოს ნაკრების კაპიტანი ზაზა ფაჩულია მოხსნებში ლიდერი გახდა — 10 მოხსნა, ხოლო მაიკლ დიქსონმა 7 შედეგეიანი გადაცემა გააკეთა.
„ევრობასკეტ 2017"-ზე მეორე მატჩს საქართველოს ნაკრები გერმანიის წინააღმდეგ 2 სექტემბერს ჩაატარებს. თამაში 16:45 საათზე დაიწყება.
