თბილისი, 30 აგვისტო — Sputnik. თუმანიშვილის სახელობის თბილისის სახელმწიფო თეატრის დასის სპექტაკლს "მეფე ლირი" შექსპირის პიესის მიხედვით ისრაელში შეაფასებენ, სადაც დასი 31 აგვისტოს გამეგზავრება.
ქართველი მსახიობები გამოვლენ თანამედროვე ხელოვნების საერთაშორისო ფესტივალის Fringe ფარგლებში, რომელიც ქალაქ ბეერ-შევაში გაიმართება.
Fringe სამართლიანად ითვლება ისრაელის ყველაზე მსხვილ კულტურულ მოვლენად. ფესტივალი წელს უკვე მეშვიდედ იმართება და ის თავის სცენაზე შეკრებს მსოფლიოს საუკეთესო მსახიობებს, მუსიკოსებს, მხატვრებსა და მოცეკვავეებს.
ქართული თეატრი ისრაელის ფესტივალში პირველად მონაწილეობს.
"მეფე ლირს", რომლის რეჟისორია ზურაბ გეწაძე, მაყურებელი 2 სექტემბერს 21:00 საათზე ბეერ-შევას ხელოვნების ცენტრის სცენაზე იხილავს.
მთავარ როლს სპექტაკლში ცნობილი ქართველი მსახიობი ზურაბ ყიფშიძე ასრულებს. 2016 წელს ამ როლის შესრულებისთვის ის "წლის საუკეთესო მსახიობად" დაასახელეს.
როგორც კინომსახიობთა თეატრში აღნიშნავენ, "მეფე ლირის" სანახავად მაყურებელი ისრაელის სხვადასხვა ქალაქიდან სპეციალურად ჩავა.
