თბილისი, 30 აგვისტო — Sputnik. ბიძინა ივანიშვილის ვაჟმა, შემსრულებელმა და რეპერმა ბერამ წარმოადგინა ახალი კლიპი, რომელშიც რუსი მოდელი ევა მინაევაა გადაღებული.
შავ-თეთრ კლიპში სიმღერაზე Parlez-Vous Français ("საუბრობთ ფრანგულად?") ბერა ხვდება გოგონას კლუბში, შემდეგ კი მათი ნაცნობობა რომანტიკულ ურთიერთობებში გადაიზრდება.
ბერას ვიდეოს ერთ დღე-ღამეში 100 ათასზე მეტი ნახვა აქვს.
უფრო ადრე მასმედიაში აქტიურად განიხილავდნენ ვერასა და ევა მინაევას კავშირს, რომლებიც ერთად გამოჩნდნენ ანაკლიაში ელექტრონული მუსიკის ფესტივალზე GEM Fest.
მაშინ ვებ-გვერდ Palitravideo.ge-ზე გამოქვეყნებულ ვიდეოში ჩანდა, რომ ბერას ხელი ჰქონდა გადახვეული მოდელზე და დაცვისა და ფესტივალის ორგანიზატორ გიორგი სიგუას თანხლებით ფესტივალის მონაწილეთა შორის გზას მიიკვლევდა.
ევა მინაევა 18 წლის სანქტ-პეტერბურგელი მოდელია, მუშაობს ნიუ-იორკის, ბარსელონის, პარიზის, მილანისა და ლონდონის წამყვან სამოდელო სააგენტოებში. ის მონაწილეობდა Gucci-ს სარეკლამო კამპანიებში და ათეულობით, მათ შორის Chanel, Dolce & Gabbana და Marc Jacobs-ის ჩვენებაში.
ბერა ივანიშვილი 23 წლის მომღერალი, მუსიკოსი და კომპოზიტორია. 2010 წელს მან დააარსა თავისი ხმის ჩამწერი სტუდია Dream და დაიწყო თავის პირველ ალბომზე მუშაობა.
