თბილისი, 28 აგვისტო — Sputnik. ზუგდიდის რეფერალური საავადმყოფოს ფანჯრიდან გადმოვარდნილი სამი წლის ბავშვის მდგომარეობა უკიდურესად მძიმეა, განუცხადა ჟურნალისტებს სამედიცინო დაწესებულების ექიმმა მაია მალანიამ.
ბავშვი ფანჯრიდან დღეს დილით გადმოვარდა. მას მრავლობით მოტეხილობა და თავის ქალის ტრავმა აღენიშნება.
"ამჟამად ავადმყოფის მდგომარეობა უკიდურესად მძიმეა. კატასტროფის ბრიგადა გამოიძახეს და პაციენტი ქუთაისის ინტერვენციული მედიცინის ცენტრში გადაიყვანეს", – განაცხადა მალანიამ.
მომხდართან დაკავშირებით გამოძიება მიმდინარეობს სსკ–ის მუხლით, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. დანაშაული ისჯება ჯარიმით ან ორ წლამდე გამოსასწორებელი სამუშაოებით.
