თბილისი, 25 აგვისტო — Sputnik. საქართველოს შსს–ს საგანგებო სიტუაციების მართვის სააგენტოს თანამშრომლებმა ვაზიანის სამხედრო ბაზასთან ხანძრის ლოკალიზება შეძლეს, იუწყება ტელეკომპანია Rustavi2.
ქართული მასმედიის ცნობით, დაიწვა ბალახი დაახლოებით 10–15 ჰექტარზე. ადგილზე მუშაობას განაგრძობს ოთხი სახანძრო ბრიგადა.
ვებ–გვერდ Global Forest Watch–ისინფორმაციით (თანამგზავრიდან მიღებულ მონაცემებზე დაყრდნობით) 16-დან 23 აგვისტომდე საქართველოში 366 სახანძრო შეტყობინება დაფიქსირდა.
ვებ-გვერდის მონაცემების თანახმად, ყველაზე მეტი შეტყობინება (279) დაფიქსირდა სამცხე-ჯავახეთის რეგიონში, შემდეგ მოდის კახეთი (51) და შიდა ქართლი (16).
Global Forest Watch — ვებ-პლატფორმაა, რომელიც ტყის მასივების მდგომარეობის მონიტორინგს ახორციელებს. აღნიშნულ ინტერნეტრესურსს მხარს უჭერენ მსოფლიო რესურსების ინსტიტუტი (WRI), Google, საერთაშორისო განვითარების აშშ-ის სააგენტო (USAID) და სხვა საერთაშორისო და არასამთავრობო ორგანიზაციები.
