თბილისი, 25 აგვისტო — Sputnik. თბილისის მერიამ ყაზბეგის გამზირიდან ვაჟა-ფშაველას გამზირისა და ჟვანიას მოედნის მიმართულებით ტრანსპორტის მოძრაობის განახლების გადაწყვეტილება მიიღო, ნათქვამია უწყების ვებ-გვერდზე გამოქვეყნებულ განცხადებაში.
საქალაქო სამსახურებმა შესაბამისი საგზაო ნიშნების მონტაჟი უკვე დაიწყეს. გადაწყვეტილება მას შემდეგ არის მიღებული, რაც პეკინის ქუჩისა და ვაჟა-ფშაველას გამზირის კვეთაზე სარემონტო სამუშაოები დასრულდა.
პეკინის გამზირზე სარეაბილიტაციო სამუშაოები მიმდინარე წლის 16 ივნისს დაიწყო და სექტემბერში დასრულდება. სარემონტო სამუშაოების ფარგლებში მოხდება ძველი ასფალტის საფარის დემონტაჟი. როგორც ტრანსპორტის სავალ ნაწილზე, ისე ტროტუარებზე ორშრიან ახალ ასფალტს დააგებენ. გარდა ამისა, პეკინის ქუჩაზე განაახლებენ 600 მეტრი სიგრძის სანიაღვრე ქსელს.
პეკინზე სარემონტო სამუშაოები 60 წელია არ ჩატარებულა.
