თბილისი, 22 აგვისტო — Sputnik. საქართველოს პრემიერ-მინისტრმა გიორგი კვირიკაშვილმა ხელი მოაწერა განკარგულებას არჩევნების თარიღის დანიშვნის შესახებ, იუწყება საინფორმაციო სააგენტო Новости-Грузия მთავრობის მეთაურის პრეს-სამსახურზე დაყრდნობით.
საქართველოს პრეზიდენტმა სამშაბათს საქართველოში ადგილობრივი არჩევნების ჩატარების დღე — 21 ოქტომბერი გამოაცხადა და კონსტიტუციის შესაბამისად, ის ხელმოწერისთვის მთავრობის ადმინისტრაციაში გადააგზავნა.
"პრემიერ-მინისტრმა პრეზიდენტის განკარგულების კონტრასიგნაცია უკვე მოახდინა", — განაცხადეს მთავრობის ადმინისტრაციის პრეს-სამსახურში.
დოკუმენტი ოფიციალური გამოქვეყნების შემდეგ ამოქმედდება, შემდეგ საქართველოში წინასაარჩევნო კამპანია დაიწყება.
ამჟამად ადგილობრივ არჩევნებში მონაწილეობისთვის საქართველოს ცენტრალურმა საარჩევნო კომისიამ უკვე დაარეგისტრირა შვიდი პარტია, კიდევ რვა პარტიამ მონაწილეობისთვის მზადყოფნა გამოთქვა.
