თბილისი, 21 აგვისტო — Sputnik. მაჰაჩყალის ფეხბურთის კლუბმა "ანჟი" სამარის "კრილია სოვეტოვის" მეკარე გიორგი ლორიას თაობაზე სეზონის ბოლომდე იჯარის შეთანხმებას მიაღწია, იუწყება Р-Спорт ფეხბურთის ეროვნული ლიგის გუნდის ოფიციალურ ვებ-გვერდზე დაყრდნობით.
31 წლის მეკარე სამარიდან მაჰაჩყალაში ორშაბათს გაემგზავრება და თავის ახალ პარტნიორებს შეუერთდება.
ლორია "კრილია სოვეტოვში" 2015 წლიდან თამაშობს. ამ დროის განმავლობაში მან სამარელების შემადგენლობაში 40 მატჩი ჩაატარა. მანამდე ქართველი მეკარე იცავდა თბილისის "დინამოსა" და ბერძნული OFI-ს კარს.
"ანჟის" შემადგენლობაში თამაშობს კიდევ ერთი ქართველი ფეხბურთელი — ნახევარმცველი ჯაბა ლიპარტია.
"ანჟის" რუსეთის ფეხბურთის პრემიერ-ლიგის სატურნირო ცხრილში მე-15 ადგილი უკავია.
