თბილისი, 10 აგვისტო — Sputnik. საქართველო–რუსეთის საზღვარზე ადამიანი გარდაიცვალა, იუწყება ტელეარხი Rustavi2.
მასმედიის ინფორმაციით, ადამიანი საქართველოში შემოდიოდა, ის იდგა გრძელ რიგში საკონტროლო–გამშვებ პუნქტზე "ყაზბეგი–ზემო ლარსი", სადაც ცუდად გახდა, ექიმებმა კი მისი გადარჩენა ვერ შეძლეს.
ყაზბეგი–ზემო–ლარსის საკონტროლო–გამშვები პუნქტი რამდენიმე დღეა ხარვეზებით მუშაობს, რადგან საქართველოში შემომსვლელთა რიცხვი დიდია. რუსი მებაჟეები საქართველოსკენ მომავალი ხალხის ნაკადს ვერ უმკლავდებიან. ამის გამო ქართულ მხარეზე დროდადრო ე.წ. საცობები ჩნდება.
