თბილისი, 9 აგვისტო — Sputnik. ბათუმის საქალაქო სასამართლომ თურქეთის მოქალაქე დამნაშავედ ცნო თანამემამულის წინასწარგანზრახული მკვლელობის მცდელობაში და ასევე ცეცხლსასროლი იარაღის უკანონოდ შენახვა-ტარებაში, იუწყება საქართველოს მთავარი პროკურატურა.
7 აგვისტო 2017, 17:15
უწყების ინფორმაციით, დამნაშავეს სასჯელად 8 წლით თავისუფლების აღკვეთა შეეფარდა.
პროკურატურის ინფორმაციით, ბოროტმოქმედმა საკუთარ თანამემამულეს შურისძიების მიზნით ესროლა ცეცხლსასროლი იარაღიდან, რომელიც უკანონოდ ჰქონდა შეძენილი, და დანაშაულის ადგილიდან მიიმალა. მუცელში დაჭრილ მოქალაქეს დროულად აღმოუჩინეს სამედიცინო დახმარება.
ინციდენტი აჭარაში, სოფელ ახალსოფელში მოხდა 2016 წლის დეკემბერში.
პოლიცია ერთ კვირაზე მეტხანს ეძებდა დამნაშავეს და საბოლოოდ ის ბათუმში დააკავეს.
