თბილისი, 9 აგვისტი — Sputnik. საქართველოს დაცული ტერიტორიებიდან ყველაზე მეტად პოპულარული ადგილი პრომეთეს მღვიმეა — 2017 წლის იანვარ-ივლისის პერიოდში იგი 81,1 ათასმა ვიზიტორმა დაათვალიერა, ნათქვამია საქართველოს გარემოსა და ბუნებრივი რესურსების სამინისტროს მიერ გავრცელებულ განცხადებაში.
პოპულარობით მეორე ადგილზეა მარტვილის კანიონი, რომელიც აღნიშნულ პერიოდში 74,5 ათასმა ვიზიტორმა მოინახულა.
შემდეგ მოდის ყაზბეგის ეროვნული პარკი — 72,1 ათასი ვიზიტორი, სათაფლია — 55,9 ათასი და ოკაცეს კანიონი, სადაც 38 ათასი დამთვალიერებელი იმყოფებოდა.
მთლიანად, 2017 წლის დასაწყისიდან საქართველოს დაცულ ტერიტორიებს 489 ათას 909 ვიზიტორი სტუმრობდა, რაც 35%-ით მეტია გასული წლის ანალოგიურ პერიოდთან შედარებით. მათგან, 301,5 ათასზე მეტი (61%) საქართველოს, ხოლო 188,3 ათასზე მეტი (39%) — უცხოეთის მოქალაქეები იყვნენ.
გასული წლის მონაცემებთან შედარებით, ქართველი ვიზიტორების რაოდენობა 2017 წლის დასაწყისიდან 28%-ით, ხოლო უცხოელი ვიზიტორების რაოდენობა 45%-ითაა გაზრდილი.
