თბილისი, 2 აგვისტო — Sputnik. ჰოლივუდის ცნობილმა მსახიობმა ანჯელინა ჯოლიმ პოპულარული ამერიკული ჟურნალის, Vanity Fair-ის ფოტოსესიაში მონაწილეობა ქართველი დიზაინერის, ჯაბა დიასამიძის შლაპით მიიღო.
ცნობილმა ფოტოგრაფებმა მერტმა და მარკუსმა სხვადასხვა სამოსში გამოწყობილი და სხვადასხვა აქსესუარებით დამშვენებული ვარსკვლავი გადაიღეს, თუმცა ჟურნალის გარეკანზე ის ფოტო მოხვდა, რომელზეც ანჯელინა ჯოლის დიასამიძის შლაპა და Tiffany & Co.-ს ელვარე კოლიე ამშვენებს.
ჯაბა დიასამიძე თბილისში დაიბადა. უკვე წლებია, პარიზში მუშაობს. დამთავრებული აქვს პარიზის მოდის სკოლა Ecole de la Chambre Syndicale de la Couture Parisienne.
