თბილისი, 2 აგვისტო — Sputnik. საქართველოს სურსათის ეროვნულმა სააგენტომ ქართული წარმოების ნაყინის 150 სახეობა შეამოწმა და დაადგინა, რომ არცერთი მათგანი პათოგენური მიკროორგანიზმებით დაბინძურებული არ არის.
სააგენტომ მთლიანობაში ქართული წარმოების ნაყინის 21 სახეობა შეამოწმა. პათოგენური ორგანიზმების - სალმონელა და ლისტერია მონოციტოგენეზი — არსებობაზე ლაბორატორიულად 105 სახეობა გამოიკვლიეს
„ლაბორატორიული კვლევის შედეგად დადგინდა, რომ ნაყინის 105 ნიმუშიდან არცერთი არ არის დაბინძურებული პათოგენური მიკროორგანიზმებით", — აღნიშნულია განცხადებაში.
ლისტერია მონოციტოგენეზი (Listeria monocytogenes) პათოგენური მიკროორგანიზმია, რომელიც განსაკუთრებულ საფრთხეს უქმნის ბავშვებისა და ორსული ქალების სიცოცხლესა და ჯანმრთელობას.
სალმონელა (Salmonella) არის ბაქტერიათა ჯგუფი, რომელიც იწვევს ტიფოიდურ დაავადებებს და მწვავე გასტროენტეროკოლიტს. უმეტესად აზიანებს საჭმლის მომნელებელ ტრაქტს.
