თბილისი, 2 აგვისტო — Sputnik. საქართველოში 2016 წლის განმავლობაში ოფიციალურად 29,6 ათასზე მეტი აბორტია დაფიქსირებული, მათგან 19 შემთხვევა 15 წლამდე ასაკის არასრულწლოვანებზე მოდის, ნათქვამია „საქსტატის“ მონაცემებში.
ყველაზე მეტი აბორტი 20-დან 44 წლამდე ასაკის ქალებმა გაიკეთეს — 28,5 ათასი შემთხვევა. შემდეგ მოდის 15-დან 19 წლამდე (932 შემთხვევა) და 45-დან ზემოთ ასაკის (126 აბორტი) ქალები.
ამასთან, 2016 წელს წინა წელთან შედარებით 11%-ით ნაკლები აბორტი დაფიქსირდა. ბოლო 10 წლის განმავლობაში ყველაზე მეტი აბორტის შემთხვევა 2012 წელს — 39 ათასი — დაფიქსირდა.
