თბილისი, 1 აგვისტო — Sputnik. გაუჩინარებიდან ერთი დღის შემდეგ ცნობილი მხატვარი და კარიკატურისტი ბესიკ დუღაშვილი შინაგან საქმეთა სამინისტროს თანამშრომლებმა ცოცხალი იპოვეს, იუწყება საინფორმაციო სააგენტო Новости-Грузия შსს-ს პრეს-სამსახურზე დაყრდნობით.
დუღაშვილი თავს კარგად გრძნობს, მაგრამ, გავრცელებული ინფორმაციით, ის ერთ-ერთ მონასტერში იმყოფება და სახლში დაბრუნებაზე უარს აცხადებს.
ინფორმაცია დუღაშვილის გაუჩინარების შესახებ პოლიციას მისი ოჯახის წევრებმა მიაწოდეს. გაუჩინარებამდე რამდენიმე საათით ადრე თავად დუღაშვილმა Facebook-ის საკუთარ გვერდზე გაავრცელა გამოსამშვიდობებელი განცხადება, სადაც წერდა, რომ მიდიოდა "იქ, საიდანაც არ ბრუნდებიან".
ბესიკ დუღაშვილი ცნობილია იმით, რომ ქართველი პოლიტიკოსების კარიკატურებს ხატავდა.