თბილისი, 31 ივლისი — Sputnik. საერთაშორისო მნიშვნელობის გზის რიკოთის საავტომობილო გვირაბი 1 აგვისტოს ღამით დაიკეტება, აღნიშნულია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ვებ-გვერდზე განთავსებულ განცხადებაში.
რიკოთის გვირაბი თბილისი–სენაკი–ლესელიძის საავტომობილო გზის 143–ე კილომეტრზე მდებარეობს. ის დასავლეთ და აღმოსავლეთ საქართველოს აკავშირებს.
"გვირაბის მართვის ავტომატიზებული სისტემის (SKADA) განახლების მიზნით 2017 წლის 1 აგვისტოს ღამის 00:00 სთ-დან დილის 05:00 სთ-მდე იკრძალება ყველა სახის ავტოტრანსპორტის მოძრაობა", — ნათქვამია განცხადებაში.
მძღოლებს შეუძლიათ შემოვლითი გზით ისარგებლონ, რომლის ორ მონაკვეთზე უზრუნველყოფილი იქნება საბუქსირე მექანიზმების მორიგეობა.
