თბილისი, 29 ივლისი — Sputnik. ბორჯომში ახალი პროექტი "ბორჯომი ყველაზე სუფთა და ლამაზი" — განხორციელდება, რომლის მიზანი ბორჯომში ნარჩენების დახარისხების პოპულარიზაციაა, იუწყება ტელეკომპანია "იმედი".
პროექტის ფარგლებში, ქალაქის ხუთ სხვადასხვა ადგილას განთავსდება სპეციალური ურნები, სადაც ნარჩენების სამ სხვადასხვა ფრაქციად დახარისხება მოხდება.
ურნები განკუთვილი იქნება ქაღალდებისთვის, პოლიეთილენისა და მინის ბოთლებისათვის.
პროექტში ახალგაზრდები ჩაერთვებიან. ისინი აგვისტოდან ბორჯომში, ხალხმრავალ ადგილებზე აწარმოებენ საინფორმაციო კამპანიებს, დაგეგმავენ და გადაიღებენ სოციალურ ვიდეო–რგოლებს.
პროექტს ახორციელებს ტელეკომპანია "ბორჯომი" კომპანია "IDS ბორჯომი საქართველოს" მხარდაჭერით.
