თბილისი, 13 ივლისი— Sputnik. განმუხურში უბედური შემთხვევა მოხდა – გუშინ, გვიან ღამით 26 წლის ახალგაზრდა მამაკაცი ზღვაში დაიხრჩო, იუწყება „Sputnik-საქართველოს“ კორესპონდენტი ჯემალ ღამბაშიძე.
გავრცელებული ინფორმაციით, მამაკაცი ზღვაში ნასვამ მდგომარეობაში შევიდა და დაიღუპა.
გარდაცვლილი ამ დროისთვის პროზექტურაშია გადასვენებული.
აღნიშნული ინფორმაცია „Sputnik–საქართველოს“ შინაგან საქმეთა სამინისტროშიც დაუდასტურეს.
უწყების განცხადებით, მომხდარზე გამოძიება დაიწყო სისხლის სამართლის კოდექსის 115-ე მუხლით – „თვითმკვლელობამდე მიყვანა“.