თბილისი, 10 ივლისი — Sputnik. რეჟისორ გიორგი ჯაფარიძის ახალი ტელესერიალი ქართული ელიტის სკანდალური ცხოვრების შესახებ ტელეარხ „TV პირველზე“ ახალი სეზონიდან გამოვა.
ფილმი, რომელიც 2017 წლის 9 სექტემბერს დაიწყება, ისეთ თემებს შეეხება, როგორიცაა ღალატი, სექსი, სასიყვარულო კავშირები და ინტრიგები.
სერიალის სახელწოდებაა „ელიტარული დახმარება". აქ რეჟისორი სიტყვებით თამაშს იყენებს — „დახმარება" და „და ხმარება".
„ღალატი მათი ცხოვრების წესია, პატიოსნება კი — ნიღაბი, რომლის მიღმაც უზნეობა იმალება. თბილისური ელიტის ღამის ცხოვრების ფარული წვრილმანები და ვნების მრავალკუთხედი, რომელიც ბინძური სასიყვარულო თამაშების მიზეზი გახდა", — აღნიშნულია სერიალის პრომო-რგოლში.
სერიალში მთავარ როლებს ასრულებენ ნუცა შანშიაშვილი, ზურაბ ინგოროყვა, ნანა ნებიერიძე და ზურა შარია.
სერიალს წარმოადგენენ George Production და „TV პირველი“.
