მსოფლიოს ყველაზე ლამაზი და ეგზოტიკური სანაპიროები ფოტოებზე

ახალ ზელანდიაში, კოეკოჰეს სანაპიროზე, ზღვის ფსკერზე უჩვეულო ლოდები წარმოიქმნა მილიონობით წლის განმავლობაში. ისინი ზღვამ ნაპირზე გამორიყა. მათ უწოდებენ მოერაკის ლოდებს (დრაკონის კვერცხები)

"გოლიათების გზა" 50-60 მილიონი წლის წინ წარმოიქმნა, როდესაც ბაზალტის ლავა მიწის ზედაპირზე ამოვიდა და გაციების შემდეგ გაქვავდა. ასე გამოიყურება მსოფლიოს ერთ-ერთი ყველაზე უჩვეულო სანაპირო, რომელიც ირლანდიაში მდებარეობს

კარიბის ზღვის კას აბაოს სანაპიროზე ტურისტებს ელით ქვიშიანი სანაპირო, სრულიად გამჭვირვალე წყალი, პალმები და არაჩვეულებრივი გარემო

სენ-მერტენში დაჯდომის წინ თვითმფრინავები მახო-ბიჩზე დამსვენებლებს ავზე უფრენენ. სანაპიროსთან ახლოს მდებარეობს მსოფლიოს ერთ-ერთი ყველაზე საშიში აეროპორტი

"იურილი პერიოდის სანაპირო" ინგლისის საგრაფოში, დასავლეთ დორსეტში მდებარეობს, ლაიმ რეჯისის დასახლებასთან ახლოს. ეს ადგილი უნიკალურია იმით, რომ მასზე შემორჩენილია უძველესი ისტორიის კვალი. დღეისათვის სანაპიროს დიდ ყურადღებას უთმობენ - მეცნიერები კვლავ პოულობენ დინოზავრებისა და საზღვაო რეპტილიების სხეულის ნაწილებს

ჯული პფაიფერ ბერნსის ეროვნულ პარკში მონტერეიში კალიფორნიის ერთ-ერთი ყველაზე უნიკალური ჩანჩქერი მდებარეობს. ეს ტიტული მან მოიპოვა არა ზომებითა და სიმძლავრით, არამედ იმით, რომ არასდროს შრება. მაკუეი კლდიდან ქვიშის სანაპიროებიან ლამაზ ყურეში ჩაედინება, თუმცა, ტურისტებს აქ არ უშვებენ - აქ საშიშია. ასე გამოიყურება მაკ-უეი ფოლსის ყურე

უჩვეულო "საკათედრო ტაძრების სანაპირო" რიბადეოში. ეს საოცარი სანაპირო წყლისა და ქარის ზემოქმედების შედეგად გარდაიქმნა ბუნების მიერ შექმნილ ტაძრად ბევრი არკით, ლაბირინთითა და სიღრმეებით

"მინის სანაპირო" მდებარეობს კალიფორნიაში, ქალაქ ფორტ-ბრეგთან ახლოს. XX საუკუნის პირველ ნახევარში სანაპიროს ტერიტორიაზე ნაგავსაყრელი იყო. როდესაც ნაგავსაყრელი გაუქმდა, ზღვაში გადაყრილი მინა სხვადასხვა ფერის ნახევრად გამჭვირვალე ქვებად იქცა

უან ფუტ აილენდი ანუ მოტუ ტაპუაეტაი (ინგლისურად: One Foot island - Tapuaetai motu). ეს არის დაუსახლებელი კუნძული. სასტუმროები აქ ხშირად მართავენ ექსკურსიებს, ამიტომ კუნძულზე ბევრი ტურისტია. აქაური პეიზაჟები იდეალურია ფოტოსესიებისთვის, თუმცა ზღვაში შესვლა არც ისე კომფორტულია, რადგან ნაპირი და ფსკერი დაფარულია ქვიშითა და მარჯნის ნამსხვრევებით

რეინისფიარად "შავი სანაპირო" ისლანდიაში მდებარეობს - საკმაოდ საინტერესო ადგილზე. ის შედგება შავი ქვიშისა და შავი ლოდებისგან. ლეგენდის თანახმად, ეს ლოდები იყვნენ ტორლები, რომლებმაც ვერ მოასწრეს მზის სხივებისგან დამალვა და გაქვავდნენ

ვარდისფერი ქვიშა ბაჰამის კუნძულებზე. ეს არის მარჯნის ნარჩენები, რომლებიც ზღვამ გაანადგურა

იეკულსაურლოუნი, ისლანდია. ვულკანის ამოფრქვევის შედეგად წარმოქმნილი შავი ქვიშა და ყინულის თეთრი ნატეხები არაჩვეულებრივ კონტრასტს ქმნიან

ნიჟარების სანაპირო, ზვიგენის ყურე, ავსტრალია. წყალი ამ ყურეშ იმდენად მარილიანია, რომ გამოიწვია მოლუსკების უკონტროლო გამრავლება. ახლა სანაპიროზე მოფენილია ნიჟარები

პუნალუს შავი სანაპირო ჰავაიზე. შავი ქვიშა ამ სანაპიროზე ვულკანის ამოფრქვევისა და მისი სწრაფად გაციების შედეგად წარმოიქმნა

"ცისფერმა ყურემ" მავრიკის პირველი საზღვაო პარკის წოდება მოიპოვა. ეს იდეალური ადგილია დაივინგისთვის, იალქნიანი ნავით ცურვისთვის, პარასეილიმგისთვის და წყლის თხილამურებით გასეირნებისთვის. ყურე ოკეანის ტალღებისგან ბარიერებითაა დაცული და ღია ზღვას მხოლოდ ვიწრო არხით უკავშირდება. აქ, მარჯნებთან ერთად, შეხვდებით წარმოუდგენლად დიდი რაოდენობით თევზებს სხვადასხვა შეფერილობითა და ზომებით: თევზ-თუთიყუშებს, თევზ-ქირურგებს და პატარა ბარაკუდებსაც კი

Papakolea Green Sands Beach სანაპირო ჰავაიზე მდებარეობს. მწვანე შეფერილობას მას ნახევრად ძვირფასი ქვა ქრიზოლიტი აძლევს, რომელიც საიუველირო წარმოებაში გამოიყენება. სანაპიროს შორიდან თუ შევხედავთ, ის მწვანეა, მაგრამ ახლოდან შეიმჩნევა, რომ ის მოოქროსფროა. ეს მომწვანო ქვები ადგილობრივი ვულკანებისგან წარმოიქმნა

მუქი წითელი სანაპირო რაბიდის კუნძულზე, გალაპაგოსის კუნძულები. ქვიშას უჩვეულო ფერს ვულკანური ნიადაგი და რკინის ჟანგი აძლევს, რაც აქ დიდი რაოდენობითაა. თუმცა ასეთი ფერი ქვიშას შესაძლოა მარჯნის ნარჩენებმაც შესძინოს