თბილისი, 7 ივლისი — Sputnik. ძლიერმა წვიმამ მცხეთა-სტეფანწმინდა-ლარსის საავტომობილო გზაზე ტრანსპორტის გადაადგილებისთვის პრობლემები შექმნა, აღნიშნულია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის განცხადებაში.
მცხეთა-სტეფანწმინდა-ლარსის საავტომობილო გზის 54-ე კმ-ზე, სოფელ გვრიტოსთან ჩამოვიდა დაახლოებით 150 კუბური მეტრი მოცულობის მიწა – კლდის შვავი, რის შედეგადაც გზა რამდენიმე საათით დაიკეტა. ადგილზე გაწმენდითი სამუშაოები მიმდინარეობს.
"ამ დროისთვის გზა ცალმხრივად გახსნილია", — განუცხადეს "Sputnik-საქართველოს" დეპარტამენტის ცხელ ხაზზე.
გარდა ამისა, მოძრაობა ყველა სახის ტრანსპორტისთვის აკრძალულია ჟინვალი-ბარისახო-შატილის გზის 75-100 კილომეტრზე. გზის მონაკვეთი დაკეტილია მეწყრის გამო, რომელიც ძლიერი წვიმის შედეგად ჩამოწვა.
