თბილისი, 7 ივლისი — Sputnik. მოსკოვის ერთ-ერთი კაფეს 44 წლის ქართველი მზარეული ტაჯიკეთის მკვიდრის მკვლელობის ბრალდებით დააკავეს, იუწყება „Sputnik-ტაჯიკეთი" რუსეთის საგამოძიებო კომიტეტის მთავარი საგამოძიებო სამმართველოს ინფორმაციაზე დაყრდნობით.
„გამოძიების ვერსიით, 5 ივლისს, ღამით მოსკოვის მეტროს სადგურ Площадь Ильича-სთან ახლო მყოფმა მამაკაცმა პირადი მოტივებით თავის ნაცნობს, 45 წლის მამაკაცს გულის არეში დანა ერთხელ ჩასცა", — აღნიშნულია განცხადებაში.
მამაკაცი მიღებული ჭრილობისგან სასწრაფო დახმარების ავტომობილში გარდაიცვალა.
სამართალდამცველებმა ეჭვმიტანილი უმოკლეს ვადაში დაადგინეს და დააკავეს.