თბილისი, 6 ივლისი — Sputnik. საქართველოს ფეხბურთის ნაკრები ფიფა/კოკა-კოლას განახლებულ რეიტინგში 10 სტრიქონით დაწინაურდა და ახლა 112-ე პოზიციას იკავებს.
ქართული ნაკრების აქტივში 290 ქულაა და ის მალავისა და ჩრდილოეთი კორეას შორის აღმოჩნდა.
საქართველოს ნაკრების პროგრესი ივნისში ჩატარებული ორი მატჩის შედეგებს უკავშირდება. სენტ-კიტს და ნევისის წინააღმდეგ ამხანაგურ მატჩში ვლადიმირ ვაისის აღსაზრდელებმა ანგარიშით 3:0 გაიმარჯვეს, ხოლო 2018 წლის მსოფლიო ჩემიონატის შესარჩევი მატჩი მოლდოვასთან გასვლაზე ფრედ დაასრულეს (2:2).
მსოფლიოს უძლიერესი ნაკრებების რეიტინგის ლიდერია გერმანია (1609 ქულა), რომელიც ახლახან რუსეთში გამართულ კონფედერაციების თასი მოიგო. შემდეგ მოდის ბრაზილია (1603) და არგენტინა (1413).
ფიფა/კოკა-კოლას რეიტინგის პირველი ათეული:
1.გერმანია
2. ბრაზილია
3. არგენტინა
4. პორტუგალია
5. შვეიცარია
6. პოლონეთი
7. ჩილე
8. კოლუმბია
9. საფრანგეთი
10. ბელგია
2018 წლის მსოფლიო ჩემპიონატის D ჯგუფში საქართველოს ნაკრების მეტოქეები ფიფა/კოკა-კოლას რეიტინგის მიხედვით:
უელსი (20)
ირლანდია (29)
ავსტრია (37)
სერბეთი (42)
მოლდოვა (158)
2018 წლის მსოფლიო ჩემიონატის შემდეგ შესარჩევ მატჩს საქართველოს ნაკრები თბილისში 2 სექტემბერს ირლანდიის წინააღმდეგ გამართავს.
