თბილისი, 3 ივლისი — Sputnik. საქართველოს 19-წლამდელთა ფეხბურთის ნაკრებმა საქართველოში დაწყებულ U-19 ევროპის ჩემიონატის პირველ მატჩში პორტუგალიელ თანატოლებთან ანგარიშით 0:1 წააგო.
მიუხედავად უპირატესობისა, რომელსაც გიორგი ყიფიანის აღსაზრდელები თითქმის ყველა კომპონენტში ფლობდნენ, შეხვედრის ბედი ერთადერთმა გოლმა გადაწყვიტა, რომელიც 66-ე წუთზე 11-მეტრიანიდან რუი პედრომ გაიტანა.
მას შემდეგ, რაც მოედნიდან ფერნანდესი გააძევეს, 73-ე წუთზე პორტუგალიელები უმცირესობაში დარჩნენ. თუმცა რიცხობრივი უპირატესობა ქართველმა ფეხბურთელებმა მაინც ვერ შეძლეს.
А ჯგუფის მეორე მატჩში ჩეხეთის ნაკრებმა შვედეთის გუნდს ანგარიშით 2:1 დაამარცხა. ამგვარად, А ჯგუფში სამ-სამი ქულით ჩეხეთი და პორტუგალია ლიდერობენ.
ტურნირის შემდეგ მატჩს ქართველი ფეხბურთელები თბილისში 5 ივლისს შვედეთის წინააღმდეგ გამართავენ. იმავე დღეს ჩეხეთის ნაკრები პორტუგალიას შეხვდება.
რაც შეეხება В ჯგუფის მატჩებს, პირველი შეხვედრები 3 ივლისს გაიმართება. ბულგარეთი ინგლისს ეთამაშება, გერმანია კი ჰოლანდიას.
ევროპის 19-წლამდელთა ჩემპიონატი საქართველოში 15 ივლისამდე გაგრძელდება.
