თბილისი, 6 ივლისი — Sputnik. გერმანიის საგარეო საქმეთა მინისტრი ზიგმარ გაბრიელი „დიდი ოცეულის“ სამიტზე რუსეთისა და აშშ-ის პრეზიდენტების შეხვედრისგან განიარაღებისა და დაძაბულობის განმუხტვის პროცესების გადატვირთვას მოელის, იუწყება სააგენტო РИА Новости.
„ჩვენ გვესაჭიროება დიდი ხნის ნანატრი განიარაღებისა და განმუხტვის გადატვირთვა“, — განაცხადა მინისტრმა მედია-ჯგუფ Funke-სთვის მიცემულ ინტერვიუში.
მან აღნიშნა, რომ ორი ქვეყნის ლიდერისგან „სამომავლო თანამშრომლობისთვის კონკრეტულ შეთანხმებებს მოელის“, პირველ რიგში, სირიაში არსებულ ვითარებასთან დაკავშირებით, ასევე უკრაინის კონფლიქტთან, განიარაღებასთან დაკავშირებით მოლაპარაკებებში და შეიარაღების კონტროლის საკითხში.
„არ შეიძლება მათგან ამ პასუხისმგებლობის მოხსნა“, — განაცხადა გერმანელმა მინისტრმა.
ვლადიმირ პუტინისა და დონალდ ტრამპის შეხვედრა ჰამბურგში „დიდი ოცეულის“ (G20) სამიტზე 7 ივლისს გაიმართება.