თბილისი, 6 ივლისი — Sputnik. თბილისის ზღვასთან მომხდარ ავტოავარიაში ჩეჩნეთის მკვიდრი, 55 წლის აბდულა ვაგაპოვი დაიღუპა, იუწყება ტელეკომპანია Rustavi2.
შემთხვევა გუშინ, ღამით მოხდა. ტაქსის მძღოლმა საჭე ვერ დაიმორჩილა და წყალსაცავში გადავარდა. ავტომობილში სამი მგზავრი იმყოფებოდა, აქედან ორი — რუსეთის მოქალაქე. მაშველებმა წყლიდან ავტომობილის ამოყვანა ხუთშაბათს, დილით შეძლეს. ტაქსის მძღოლი დაიღუპა.
„აბდულა ჩემი ნათესავია. მოვიდა პოლიცია და თქვა, რომ ის დაიღუპა. სულ ორი ჩეჩენი იყო", — განაცხადა დაღუპულის ნათესავმა ჰასან სულეიმანოვმა.
ტაქსის კიდევ ორი გადარჩენილი მგზავრი იმავე ღამეს საავადმყოფოში გადაიყვანეს, თუმცა მალევე გამოწერეს. ამჟამად მათ ჯანმრთელობას საფრთხე არ ემუქრება.
სისხლის სამართლის საქმე აღძრულია სსკ-ის მუხლით „ტრანსპორტის მოძრაობის ან ექსპლუატაციის უსაფრთხოების წესების დარღვევა, რამაც ორი ან მეტი ადამიანის სიცოცხლის მოსპობა გამოიწვია". დანაშაული ექვსიდან ათ წლამდე პატიმრობას ითვალისწინებს.