თბილისი, 5 ივლისი — Sputnik. საქართველოს შინაგან საქმეთა სამინისტრომ ინდოეთის ორი მოქალაქე არასრულწლოვანებთან გარყვნილი ქმედების ბრალდებით დააკავა, ნათქვამია უწყების ვებ-გვერდზე გავრცელებულ განცხადებაში.
გამოძიების მონაცემებით, 1991 წელს დაბადებული ჰ.ს. და 1995 წელს დაბადებული რ.ს. დანაშაულს ვარკეთილში დროებით ნაქირავებ ბინაში ახორციელებდნენ.
გამოძიება გარყვნილი ქმედების ფაქტზე მიმდინარეობს, რაც ხუთიდან შვიდ წლამდე ვადით თავისუფლების აღკვეთას გულისხმობს.
საქართველოს შინაგან საქმეთა სამინისტრო დანაშაულის დეტალებს არ ასაჯაროებს. თუმცა ხუთი არასრულწლოვანის მიმართ გარყვნილი ქმედების შესახებ ინფორმაცია გაავრცელა ტელეკომპანიამ Imedi.
ტელეკომპანიის მონაცემებით, ინდოეთის მოქალაქეებმა ბავშვები ნაქირავებ ბინაში მოტყუებით აიყვანეს, ტანსაცმელი გახადეს და ფოტოსურათები გადაუღეს. ამის შესახებ ცნობილი მას შემდეგ გახდა, რაც ბავშვებმა ფაქტის შესახებ მშობლებს უამბეს.
