ელიავას ბაზრობაზე საავტომობილო ნაწილების პავილიონი პოლიციამ გადაკეტა, გამომძიებლები ხანძრის გაჩენის მიზეზს ადგენენ და ზარალს ითვლიან. იხილეთ "Sputnik-საქართველოს" ვიდეო, თუ როგორ გამოიყურება ხანძრისგან დაზიანებული სავაჭრო ცენტრი.
წინასწარი მონაცემებით, ბაზრობაზე გაჩენილი ხანძრის შედეგად გამოწვეულმა ზარალმა შესაძლოა რამდენიმე ასეულ ათას ლარს გადააჭარბოს. ამ დროისათვის სპეციალისტები განაგრძობენ ხანძრის შედეგად მიღებული ზარალის შეფასებას.
აალების ადგილთან ახლოს ხანძრის შედეგად დაზიანებული პავილიონი და ზოგიერთი სავაჭრო პუნქტი დაკეტილია, მათ შორის ბოქსებიც, სადაც მეორად საბურავებს ყიდდნენ. ბაზრობის დანარჩენი ნაწილი ჩვეულ რეჟიმში მუშაობს. ასევე ფუნქციონირებს ავტონაწილების მაღაზიების უმრავლესობა.
