თბილისი, 3 ივლისი — Sputnik. საქართველოს შინაგან საქმეთა სამინისტროს საგანგებო სიტუაციების მართვის სააგენტოს ახალი უფროსი ჰყავს, ნათქვამია უწყების მიერ გავრცელებულ განცხადებაში.
შინაგან საქმეთა მინისტრმა გიორგი მღებრიშვილმა სააგენტოს თანამშრომლებს ახალი დირექტორი — ნიკოლოზ სირაძე წარუდგინა.
„შინაგან საქმეთა მინისტრმა ნიკოლოზ სირაძეს თანამდებობაზე დანიშვნა მიულოცა, მასთან სააგენტოს საქმიანობის პრიორიტეტული მიმართულებები განიხილა და დავალებები მისცა", — ნათქვამია განცხადებაში.
ნიკოლოზ სირაძეს საქართველოს ძალოვან სტრუქტურებში მუშაობის მრავალწლიანი გამოცდილება აქვს.
ნიკოლოზ სირაძემ აღნიშნულ თანამდებობაზე ზვიად ქაწაშვილი შეცვალა, რომელმაც თანამდებობა მიმდინარე წლის 12 ივნისს დატოვა. ზვიად ქაწაშვილი შსს-ს საგანგებო სიტუაციების მართვის დეპარტამენტს 2015 წლიდან ხელმძღვანელობდა.