თბილისი, 3 ივლისი — Sputnik. თბილისის ინტერპოლისა და შინაგან საქმეთა სამინისტროს თანამშრომლებმა ბათუმის აეროპორტში ერთობლივად ჩატარებული ღონისძიების შედეგად ისრაელიდან საქართველოში შემოსვლისას გერმანიის ინტერპოლის მიერ 2006 წლიდან ძებნილი, 1953 წელს დაბადებული ისრაელის მოქალაქე ე.ნ. დააკავეს, ნათქვამია შსს-ს განცხადებაში.
დაკავებულს ბრალი ედება გერმანიის „ნარკოტიკების შესახებ“ კანონის 1-ლი, მე-3 და 29-ე მუხლების დარღვევაში, რაც ითვალისწინებს დიდი ოდენობით ნარკოტიკების შეძენა-შენახვა-გასაღებას.
ამჟამად ე.ნ.-ს მიმართ მიმდინარეობს კანონით გათვალისწინებული წინასაექსტრადიციო პროცედურები.