თბილისი, 30 ივნისი — Sputnik. ქუვეითის სახელმწიფო ავიაკომპანია Kuwait Wataniya Airways-ი 11 ივლისიდან ელ-ქუვეით-თბილისი-ელ-ქუვეითის მიმართულებით რეგულარულ რეისებს შეასრულებს.
ფრენები Airbus A320-ის ტიპის საჰაერო ჰომალდებით კვირაში სამჯერ განხორცილედება — ორშაბათს, სამშაბათს და პარასკევს, ნათქვამია საქართველოს ეკონომიკისა და მდგრადი ეკონომიკის სამინისტროს სამოქალაქო ავიაციის სააგენტოს Facebook-გვერდზე გამოქვეყნებულ განცხადებაში.
Kuwait Wataniya Airways-ი რეგულარული რეისების შესრულებას 11 ივლისიდან 29 ოქტომბრის ჩათვლით გეგმავს. შესაბამისი ნებართვა სამოქალაქო ავიაციის სააგენტომ პარასკევს გასცა.
საქართველოსა და ქუვეითის სახელმწიფოს შორის საჰაერო მიმოსვლის შესახებ შეთანხმებას 2012 წელს მოეწერა ხელი. 2014-2016 წლებში ორი ქვეყნის დედაქალაქებს შორის მრავალჯერად ჩარტერულ რეისებს ქართული ავიაკომპანია Georgian Airways-ი ასრულებდა.
საქართველოში ბოლო პერიოდში ტურისტული სეზონი დინამიურად ვითარდება — წლიდან წლამდე იზრდება უცხოელი ვიზიტორების რიცხვი, მათ შორის, ქუვეითიდან.
ზაფხულში ტურისტების ძირითადი ნაკადი აჭარის რეგიონზე მოდის, რადგანაც მათთვის ბათუმი დასასვენებლად ერთ-ერთი პოპულარული ადგილია.
2016 წელს საქართველოს 6,3 მილიონზე მეტი უცხოელი ეწვია, მათგან 1,4 მილიონი ადამიანი აჭარას სტუმრობდა. 2016 წელს საქართველოს 5200-ზე მეტი ქუვეითის მოქალაქე სტუმრობდა, რაც 72%-ით მეტია 2015 წლის მონაცემებთან შედარებით.
