თბილისი, 27 ივნისი — Sputnik. მმართველი პარტია "ქართული ოცნება — დემოკრატიული საქართველო" ვიცე-პრემიერს, ენერგეტიკის მინისტრ კახა კალაძეს თბილისის მერის პოსტზე ოფიციალურად 1 ივლისს წარადგენს, იუწყება საინფორმაციო სააგენტო Новости-Грузия პარლამენტის ვიცე-სპიკერზე გია ვოლსკიზე დაყრდნობით.
კალაძეს წარადგენენ პარტიის პოლიტსაბჭოს დასრულების შემდეგ, რომელიც 1 ივლისს გაიმართება. ადგილობრივი ხელისუფლების ორგანოების არჩევნები საქართველოში მიმდინარე წლის ოქტომბერში ჩატარდება.
"ჩვენ ასე დავგეგმეთ: სავარაუდოდ, [კალაძის] წარდგენა შაბათს გაიმართება", — განაცხადა ვოლსკიმ.
პარლამენტის ვიცე-სპიკერის თქმით, რაც შეეხება ენერგეტიკის მინისტრის პოსტზე კალაძის შემცვლელს, ეს მისი ამჟამინდელი მოადგილე ილია ელოშვილი იქნება.
კალაძის გარდა თბილისის მერის პოსტისთვის იბრძოლებენ ელენე ხოშტარია ("მოძრაობა თავისუფლებისთვის — ევროპული საქართველო") და ზაალ უდუმაშვილი ("ერთიანი ნაციონალური მოძრაობა").
დანარჩენი კანდიდატების ვინაობა ჯერჯერობით უცნობია.
