საქართველოს ეროვნული ბანკი ბაზარზე ვალუტას ყიდულობს

© photo: Sputnik / Stringerაშშ დოლარი
აშშ დოლარი - Sputnik საქართველო
გამოწერა
სამშაბათისთვის საქართველოს ეროვნულმა ბანკმა ლარის ახალი ოფიციალური კურსი აშშ დოლარის მიმართ 2,4075 GEL/$1 ნიშნულზე დაადგინა.

თბილისი, 26 ივნისი — Sputnik. ორშაბათს გამართულ სავალუტო აუქციონზე საქართველოს ეროვნულმა ბანკმა (სებ) 20 მლნ აშშ დოლარი შეიძინა, ვაჭრობაზე ლარის კურსი დოლარის მიმართ 2,4077 GEL/$1 ნიშნულზე დაფიქსირდა.

წლის დასაწყისიდან სებ-მა ხუთ აუქციონზე დაახლოებით 70 მლნ დოლარი იყიდა. აღნიშნულ პერიოდში ეროვნული ვალუტის კურსი 9%-ით გამყარდა.

კობა გვენეტაძე - Sputnik საქართველო
საქართველოს პარლამენტმა ეროვნული ბანკის 2016 წლის ანგარიში დაამტკიცა

გასულ წელს ეროვნულმა ბანკმა ორი მიმართულებით განახორციელა ინტერვენციები — როგორც უცხოური ვალუტის ყიდვის, ისე გაყიდვის მიმართულებით, რის შედეგადაც წლის განმავლობაში წმინდა გაყიდვებმა 1,7 მლნ დოლარი შეადგინა.

სამშაბათისთვის საქართველოს ეროვნულმა ბანკმა ლარის ახალი ოფიციალური კურსი აშშ დოლარის მიმართ 2,4075 GEL/$1 ნიშნულზე დაადგინა, რაც 0,0036 ლარით მეტია დღევანდელ, ორშაბათის კურსზე.

ლარის ოფიციალური გაცვლითი კურსის დადგენა დოლარის მიმართ 2009 წლიდან სავაჭრო სისტემა Bloomberg-ის ბანკთაშორის ბაზარზე გარიგებების აგრეგაციით ხორციელდება.

ყველა ახალი ამბავი
0