თბილისი, 25 ივნისი-Sputnik. ქალაქ მარნეულთან ახლოს, ავტომაგისტრალზე გადაბრუნებული ავტობუსი, ასრულებდა საერთაშორისო რეისს მოსკოვი-ერევანი, იტყობინება ტელეკომპანია რუსთავი 2.
ავტოსაგზაო შემთხვევა კვირა დილით მოხდა. ავტობუსი მსუბუქ მანქანას დაეჯახა და გადაბრუნდა. სამი ადამიანი დაშავდა, სამივე სომხეთის მოქალაქეა. დაზარალებულები საავადმყოფოში გადაიყვანეს.
„შუაში ვიჯექი, უეცრად ვიგრძენი, რომ ავტობუსი ყირავდებოდა. ახლა მეტს ვერაფერს გეტყვით.“- განუცხადა ავტობუსში მყოფმა მგზავრმა რუსთავი 2-ს.
აღძრულია სისხლის სამართლის საქმე „საგზაო მოძრაობის უსაფრთხოების ან ტრანსპორტის ექსპლოატაციის დარღვევის“ მუხლით, რაც ისჯება ჯარიმით ან თავისუფლების აღკვეთით სამ წლამდე.
