თბილისი, 11 ივნისი – Sputnik. ხაშურის მუნიციპალიტეტის სოფელ ნარვანში 40 წლამდე მამაკაცი გარდაცვლილი იპოვეს, იუწყება საზოგადოებრივი მაუწყებლის პირველი არხი.
მამაკაცი გუშინ გვიან ღამით მთიდან მოვარდნილმა, ადიდებულმა მდინარემ წაიღო.
თანასოფლელების განცხადებით, ძროხა წაიღო მდინარემ, მან კი ძროხის გადარჩენა სცადა, რა დროსაც ფეხი დაუცდა და ადიდებულ წყალში ჩავარდა.
სოფელში სამძებრო-სამაშველო სამუშაოები მთელი ღამის განმავლობაში მიმდინარეობდა.
ადიდებულმა მდინარემ სოფელ ნარვანაში ორი საფეხმავლო ხიდი წაიღო.
გუშინ ძლიერმა წვიმამ და სეტყვა საქართველოს რამდენიმე რაიონს და თბილისს პრობლემები შეუქმნა.