თბილისი, 11 ივნისი – Sputnik. ხაშურის მუნიციპალიტეტში მდებარე სოფელ ცოცხნარასთან დამაკავშირებელი გზა მეწყერმა ჩაკეტა, იუწყება ტელეკომპანია „იმედი“.
გზაზე მეწყერი და ხეები ჩამოწვა.
გზას მოწყვეტილია ასევე სოფლები ოძისი და ცივწყარო. გართულებულია სატელეფონო კავშირიც.
გავრცელებული ინფორმაციით, სოფელ ცოცხნარაში მწყემსი მდინარეში ჩავარდა. მამაკაცს პოლიცია და სამაშველო სამსახური ეძებენ.
გუშინ საქართველოში ძლიერმა წვიმამ და სეტყვამ სხვადასხვა რაიონში და თბილისში პრობლემები შექმნა.
