თბილისი, 10 ივნისი – Sputnik. თბილისში, ძიუდოს აკადემიაში 10–11 ივნისს იმართება პირველი საერთაშორისო ტურნირი ძიუდოში „ზედაზენის თასზე" ახალგაზრდებს შორის, იუწყება საქართველოს სპორტისა და ახალგაზრდობის საქმეთა სამინისტრო.
ტურნირში მონაწილეობას იღებენ საქართველოს ნაკრების უძლიერესი ახალგაზრდა ძიუდოისტები, ასევე სპორტსმენები გერმანიიდან, რუსეთიდან, აზერბაიჯანიდან, სომხეთიდან, ტაჯიკეთიდან და ირანიდან.
შეჯიბრება ვაჟთა შორის 8 წონით კატეგორიაში იმართება. კერძოდ, 10 ივნისს იჭიდავებენ —55კგ, —60კგ, —66კგ, —73კგ წონითი კატეგორიების ძიუდოისტები, ხოლო 11 ივნისს —81კგ, —90კგ, —100კგ და +100კგ.
ტურნირის საპრიზო ფონდია 10 ათასი აშშ დოლარი.
