ირაკლი კობახიძე: ქართული მიწა უცხოელებზე აღარ გაიყიდება

© Sputnik / Alexander Imedashviliკერძო მეურნეობა
კერძო მეურნეობა - Sputnik საქართველო
გამოწერა
კობახიძის განცხადებით, გადაწყვეტილება მიღებულ იქნა მიწის არსებული და პოტენციური საბაზრო ღირებულების, უცხოური ინვესტიციების მოზიდვისა და ეკონომიკურ ზრდაში მიწის გასხვისების წილის, სასოფლო-სამეურნეო დანიშნულების მიწის შეძენის არსებული პრაქტიკისა და, რაც მთავარია, საქართველოს ეროვნული ინტერესების გათვალისწინებით.

თბილისი, 8 ივნისი — Sputnik. სასოფლო-სამეურნეო დანიშნულების მიწის საკუთრებაში ფლობის უფლება მხოლოდ საქართველოს მოქალაქეებს ექნებათ, განაცხადა საქართველოს პარლამენტის თავმჯდომარემ ირაკლი კობახიძემ ბრიფინგზე.

„პრემიერ-მინისტრს, სამთავრობო გუნდსა და საპარლამენტო უმრავლესობას შორის გამართული კონსულტაციის საფუძველზე ერთსულოვნად მიღებული იქნა გადაწყვეტილება, მაქსიმალურად მკაფიო და მკაცრი კონსტიტუციური ჩანაწერით დავიცვათ ჩვენი ქვეყნისა და მოქალაქეების სტრატეგიული ინტერესი – ქართული მიწა დარჩეს მხოლოდ საქართველოს სახელმწიფოს, საქართველოს მოქალაქეებისა და მათი გაერთიანებების საკუთრებაში", — განაცხადა ირაკლი კობახიძემ.

გია კორკოტაშვილი - Sputnik საქართველო
ქართული მიწის დაცვის ჯგუფი ხელისუფლებას ვადას აძლევს

პარლამენტის თავმჯდომარის განცხადებით, ეს გადაწყვეტილება მიღებულ იქნა ყველა ფაქტორის გათვალისწინებით. კერძოდ: მიწის არსებული და პოტენციური საბაზრო ღირებულების, უცხოური ინვესტიციების მოზიდვისა და ეკონომიკურ ზრდაში მიწის გასხვისების წილის, სასოფლო-სამეურნეო დანიშნულების მიწის შეძენის არსებული პრაქტიკისა და, რაც მთავარია, საქართველოს ეროვნული ინტერესების გათვალისწინებით.

„კონსტიტუციის ახალი ჩანაწერი გახდება ის მტკიცე გარანტია, რომ სასოფლო-სამეურნეო დანიშნულების მიწის რესურსი არ გასხვისდება საქართველოს მოქალაქეობის არმქონე პირებზე და დაცული იქნება ჩვენი ეროვნული სტრატეგიული ინტერესი", — განაცხადა ირაკლი კობახიძემ ჟურნალისტებთან საუბრისას.

პარლამენტის თავმჯდომარის თქმით, კონსტიტუციაში განსახორციელებელი ცვლილებების განხილვა დღეს ადამიანის უფლებათა დაცვისა და სამოქალაქო ინტეგრაციის კომიტეტში იგეგმება.

ყველა ახალი ამბავი
0