თბილისი, 2 ივნისი — Sputnik. გურჯაანის რაიონის სოფელ შაშიანში ურთიერთშელაპარაკებისას ორი – 15 და 17 წლის არასრულწლოვანი დაჭრეს, იუწყება საქართველოს საზოგადოებრივი მაუწყებლის პირველი არხი.
გავრცელებული ინფორმაციით, ახალგაზრდები საავადმყოფოში არიან მოთავსებული და მათი ჯანმრთელობის მდგომარეობა სტაბილურია.
შემთხვევა სოფლის სასაფლაოზე გვიან ღამით მოხდა.
სამართალდამცველებმა ეჭვმიტანილი შემთხვევიდან მალევე დააკავეს. საქმეზე აღძრულია სისხლის სამართლის საქმე ორი მუხლით — ჯანმრთელობის განზრახ მძიმე დაზიანება და ჯანმრთელობის განზრახ მსუბუქი დაზიანება.