თბილისი, 31 მაისი — Sputnik. სურსათის ეროვნულმა სააგენტომ მაისში 36 კომპანია დააჯარიმა, რომლებიც კვების პროდუქტების წარმოებით, რეალიზაციითა და მოხმარების ორგანიზებით არიან დაკავებული.
ამასთან 36 კომპანიიდან ხუთი, სადაც დარღვევები დაფიქსირდა, დახურეს.
22-დან 28 მაისის ჩათვლით თბილისსა და რეგიონებში საზკვების ობიექტებზე, აგრარულ ბაზრებზე, ხორცის, ხორცპროდუქტების და პურფუნთუშეულის წარმოებებში, საბავშვო ბაღებისა და სკოლების ბუფეტებში, მაღაზიებსა და საწყობებში 211 ინსპექტირება ჩატარდა.
ლაბორატორიული კვლევისათვის სპეციალისტებმა სასმელი წყლის და კვების პროდუქტების 49 ნიმუში აიღეს.
დოკუმენტური შემოწმება 190 ობიექტში ჩატარდა, მათგან 36-ში – თბილისში.
მსგავსი სახელმწიფო შემოწმებები პერმანენტულად ტარდება.
სპეციალისტები აფიქსირებენ ნაწლავური ინფექციების დაავადებების, ეპიდემიისა და სხვა იმ დაავადებების შემთხვევებს, რომლებიც გამოწვეულია კვების უხარისხო პროდუქტებით; კვების პროდუქტების მიკრობიოლოგიური, ქიმიური ან ფიზიკური დაბინძურების შემთხვევებს, გარემოს დაბინძურების, ასევე მომხმარებლის მოტყუების შემთხვევებს.
