თბილისი, 23 მაისი — Sputnik. კვლევითი ორგანიზაცია IPM-ის სპეციალისტებმა გაარკვიეს, რომ საქართველოში 30 წლამდე ახალგაზრდები უფრო მეტს კითხულობენ.
გამოკითხვის შედეგებით, 18-დან 30 წლამდე ახალგაზრდები საშუალოდ 5 წიგნის კითხვას ახერხებენ წელიწადში. 30-54 წლის რესპონდენტები საშუალოდ 3 წიგნს კითხულობენ, ნათქვამია IPM-ის ვებ-გვერდზე გავრცელებულ ინფორმაციაში.
ამავე დროს, ქალებმა უფრო მაღალი შედეგები აჩვენეს (საშუალოდ ერთი წიგნით მეტი).
გამოკითხულთა თითქმის ნახევარმა (48%) განაცხადა, რომ კითხვით გატაცებული არ არის.
ორგანიზაციამ გამოკითხა 500 ადამიანი საქართველოს მასშტაბით. კვლევითი ორგანიზაცია IPM 1995 წლიდან ფუნქციონირებს და მარკეტინგულ და სოციალურ კვლევებს ახორციელებს.
