თბილისი, 17 მაისი – Sputnik. საქართველოს კათოლიკოს-პატრიარქმა ილია მეორემ ოჯახებს, სადაც ექვსი და უფრო მეტი ბავშვი იზრდება, თვდადებული მშობლის ტიტული მიანიჭა.
ოჯახის სიმტკიცისა და სიწმინდის დღის პატივსაცემად, რომელიც საქართველოში პატრიარქის ლოცვა-კურთხევით 17 მაისს აღინიშნება, მრავალშვილიანი ოჯახები სამების საკათედრო ტაძარში შეიკრიბნენ.
„ჩვენ დღეს უფალს შევთხოვოთ, რომ მან ჩვენი ოჯახები დალოცოს, ეს ოჯახის ზეიმია. ჩვენ ვილოცებთ, რომ ქართული ოჯახები იყოს მტკიცე, რათა ქართულ ოჯახებში ბევრი ბავშვი გაიზარდოს“, — განაცხადა ილია მეორემ.
ოჯახის სიმტკიცის დღე ვარდების მოედნიდან სამების საკათედრო ტაძრამდე მსვლელობით დაიწყო, რომელშიც 10 ათასამდე ადამიანმა მიიღო მონაწილეობა.
საყოველთაო მსვლელობის მონაწილეების უმეტესობა, მათ შორის, ბავშვები, ქართულ ეროვნულ ტანსაცმელში იყვნენ გამოწყობილი. მორწმუნეებს ხელში ეჭირათ ღვთისმშობლისა და სხვა წმინდანების ხატები.
