თბილისი, 16 მაისი — Sputnik. სურსათის ეროვნულმა სააგენტომ გამოვლენილი შეუსაბამობებისთვის, 34 ბიზნეს ოპერატორი დააჯარიმა, ხოლო 4 ბიზნეს ოპერატორს კრიტიკული შეუსაბამობების გამო, საწარმოო პროცესი და საქმიანობა შეუჩერა, იუწყება სააგენტოს პრეს სამსახური.
„სახელმწიფო კონტროლი სხვადასხვა სარეალიზაციო ობიექტებში სისტემატიურად ხორციელდება და სააგენტოს სპეციალისტები ინსპექტირებას მთელი ქვეყნის მასშტაბით ახდენენ. სეს- ი შედეგებს საზოგადოების მაღალი ინტერესიდან გამომდინარე მოსახლეობას პერიოდულად მიაწვდის"- აღნიშნეს სააგენტოში „Sputnik საქართველოსთან" საუბარისას.
სურსათის ეროვნულმა სააგენტომ გასულ კვირას თბილისსა და საქართველოს რეგიონებში 109 ინსპექტირება ჩაატარა. ზედამხედველობა განხორციელდა 9 ბიზნეს ოპერატორთან, დოკუმენტურად შემოწმდა 216, ლაბორატორიული კვლევისთვის აღებულია სურსათის 40 ნიმუში.
რამდენიმე კვირის წინ მედიაში გავრცელდა ფარულად გადაღებული კადრები ზოგიერთი კვების ობიექტის სამზარეულოში არსებული ანტისანიტარიის შესახებ, რამაც საზოგადოების შეშფოთება გამოიწვია.
