რაგბის კლუბი „ჯიქი" - საქართველოს ჩემპიონია

გამოწერა
გამარჯვებულთა მწვრთნელმა აღნიშნა, რომ გუნდის ტრიუმფი ყველა მოთამაშის დიდი შრომის და ქომაგების მხარდაჭერის შედეგია.

თბილისი, 15 მაისი — Sputnik. რაგბის კლუბი „ჯიქი" გორიდან ისტორიაში პირველად საქართველოს ჩემპიონი გახდა.

ფინალში „ჯიქმა" ანგარიშით 28:22 "ბათუმი" დაამარცხა.

მამუკა გორგოძე - Sputnik საქართველო
გორგოძე მიდის: რაგბის ნაკრები ლიდერის გარეშე დარჩა

„გადამწყვეტი მატჩისათვის ნაბიჯ-ნაბიჯ ვუახლოვდებოდით. ყოველ წელს თამაშის ხარისხის და შედეგის გაუმჯობესებას ვცდილობდით და წელს ფინალში დამსახურებულად მოვხვდით. ეს ჩვენი შრომის შედეგია. ვულოცავ ამ ახალგაზრდა კლუბს ასეთ დიდ წარმატებას და ყველას, ვისაც ჩვენი გუნდის მაისურით თუნდაც ერთხელ მაინც უთამაშია. მინდა მოვიგონო ის გარდაცვლილი ადამიანები, რომლებიც სიცოცხლეში მხარში გვედგნენ და იმ ქვეყანაზე მივულოცო ეს წარმატება", — ციტირებს გამარჯვებული გუნდის მთავარი მწვრთნელის პალიკო ჯიმშელაძის სიტყვებს საქართველოს რაგბის კავშირის ვებგვერდი.

საქართველოს ჩემპიონის ტიტულის გარდა, "ჯიქმა" საპრიზო ფონდის 70000 ლარი გამოიმუშავა.

ყველა ახალი ამბავი
0