თბილისი, 10 მაისი — Sputnik. კახეთში 8 მაისს მოსულმა სეტყვამ 1500-მდე ჰექტარი ვენახი გაანადგურა, განუცხადეს „Sputnik-საქართველოს“ გურჯაანის საკრებულოში.
ზარალის დამთვლელი სპეციალური კომისიის მონაცემების მიხედვით, სეტყვამ გაანადგურა 770 ჰექტარი ვენახი, 710 ჰექტარი კურკოვანი და 15 ჰექტარი ერთწლიანი კულტურები.
„ზოგიერთ ადგილას ზარალი 5%-ს აღწევს, ზოგან კი — 50%-ს. ზარალი მნიშვნელოვანია. კომისიამ მუშაობა დაასრულა. ჩვენი უფლებამოსილება იყო, რომ ზარალის ზოგადი სურათი აღგვეწერა", — განაცხადეს გურჯაანის მუნიციპალიტეტში.
ვენახები და მიწის სავარგულები ყველაზე მეტად დაისეტყვა შემდეგ სოფლებში: ახაშენი, ზეგაანი, ჩუმლაყი, ველისციხე, ბაკურციხე და კარდენახი.
