თბილისი, 8 მაისი — Sputnik. აფეთქება მოხდა კვირას, ღამით ზუგდიდში, თამბაქოს საწყობის ტერიტორიაზე. ამის შესახებ ტელეომპანია „Rustavi 2" იტყობინება.
აფეთქება იმდენად ძიერი იყო, რომ მთლიანად დაინგრა შენობა, რომელშიც საწყობი იყო განთავსებული, და გაჩნდა ხანძარი. აფეთქების შედეგად ასევე დაზიანდა გვერდით მდებარე თხილის მცირე ქარხანა. ცეცხლი ამ დროისთვის უკვე ლოკალიზებულია. მეხანძრეებმა შემთხვევის ადგილზე მამაკაცის — საწყობის თანამშრომლის ცხედარი იპოვეს. იგი ექსპერტიზაზეა გადასვენებული.
ადგილზე გვიანობამდე მუშაობდნენ ექსპერტ-კრიმინალისტები. აფეთქების მიზეზი ჯერჯერობით უცნობია. მომხდარზე დაიწყო გამოძიება „სხვისი ნივთის დაზიანების ან განადგურების“ მუხლით.