თბილისი, 7 მაისი — Sputnik. საფრანგეთში ნაკლები წონის მოდელების დასაქმება აკრძალეს — ქვეყანაში შესაბამისი კანონი ძალაში უკვე შევიდა, იუწყება სააგენტო РИА Новости ტელეკომპანია BBC-ზე დაყრდნობით.
ვრცელდება ინფორმაცია, რომ მოდელებმა ექიმებისგან ცნობა უნდა წარმოადგინონ იმის შესახებ, რომ მათი სხეულის მასის ინდექსი ნორმის ფარგლებშია.
საფრანგეთის ჯანდაცვის მინისტრ მარისოლ ტურენის სიტყვებით, აღნიშნული კანონი მიმართულია კვების დარღვევებისა და სილამაზის მიუწვდომელი იდეალების წინააღმდეგ ბრძოლისაკენ.
დამსაქმებლებს, რომლებიც დაარღვევენ კანონს, 75 ათას ევრომდე ჯარიმა და ნახევარი წლით პატიმრობა ემუქრებათ.
გარდა ამისა, კანონის თანახმად, 1 ოქტომბრიდან მასმედიაში გამოქვეყნებულ მოდელების ყველა დამუშავებულ და დაუმუშავებელ ფოტოებზე უნდა იყოს წარწერა „დაუმუშავებელი ფოტოსურათი“.
