თბილისი, 1 მაისი — Sputnik. ცნობილი გახდა საგანმანათლებლო აქციის „ტოტალური კარნახი 2017“-ის შედეგები — მათი ნახვა შესაძლებელია, თუ დაუკავშირდებით პროექტის კოორდინატორებს, განუცხადეს „Sputnik-საქართველოს“ აქციის ორგანიზატორებმა.
საუკეთესო მონაწილეებს გადაეცა სიგელები და სპეციალური პრიზები. წელს ოთხი ფრიადოსანი იყო, რომლებმაც საჩუქრად მიიღეს ვლადიმირ გოლოვინის წიგნი Завлекают в Сололаки стертые пороги და ABBYY Lingvo-ს ლექსიკონების ხელმისაწვდომობის გასაღები.
„რუსული როგორც უცხო ენის“ ტესტი კარგად დაწერეს 20 ადამიანმა. ყველა მათგანმა მიიღო სერტიფიკატები და წიგნები — გრიგოლ რობაქიძის „გველის პერანგი“ და რევაზ მიშველაძის „ციყვი ბორბალში“.
შედეგების გაგება შეგიძლიათ აქციის ორგანიზატორებთან ტელეფონით +995 593 333 673 (ელენა გალაშევსკაია). ტექნიკური მიზეზების გამო ტოტალური კარნახის ვებგვერდზე შედეგები ჯერჯერობით ხელმისაწვდომი არ არის.
„ტოტალური კარნახი“ თბილისში 8 აპრილს ჩატარდა. ღონისძიებაში 100-ზე მეტმა ადამიანმა მიიღო მონაწილეობა. "ტოტალური კარნახის" ორგანიზატორი თბილისში 2017 წელს საერთაშორისო კულტურულ–საგანმანათლებლო კავშირი "რუსკი კლუბი" გახდა. საერთაშორისო საინფორმაციო სააგენტო და რადიო "Sputnik საქართველო" ღონისძიების საინფორმაციო პარტნიორია.
ტესტის მიზანია – ყველა მსურველს ჰქონდეს საშუალება შეამოწმოს საკუთარი თავი რუსული ენის ცოდნაში და გაიზარდოს მისი დახვეწის ინტერესი. კარნახის იდეა ნოვოსიბირსკის სახელმწიფო უნივერსიტეტში 2000-იანი წლების დასაწყისში გაჩნდა. 2016 წელს თბილისში გამართულ კარნახში 90-მა ადამიანმა მიიღო მონაწილეობა.
„ტოტალური კარნახის" ძირითადი პრინციპებია უფასო, ნებაყოფლობითი და სურვილის შემთხვევაში, ანონიმური მონაწილეობა, პროფესიული დამოკიდებულება დაწერილი ტექსტის შემოწმებისა და შეფასებისადმი, ორგანიზატორებისა და ექსპერტების კომისიის უანგარო მუშაობა.
