თბილისი, 28 აპრილი — Sputnik. პოლიციამ 31 წლის მამაკაცი მამის მკვლელობის ბრალდებით სოფელ ოფეთში დააკავა, იუწყება საინფორმაციო სააგენტო Новости-Грузия შინაგან საქმეთა სამინისტროს პრეს-სამსახურზე დაყრდნობით.
გამოძიების მონაცემებით, ინციდენტი სახლში მოხდა. ბრალდებულმა ჩხუბში საკუთარი 53 წლის მამა ცივი იარაღით დაჭრა. ჭრილობა სასიკვდილო აღმოჩნდა. მამაკაცი ადგილზევე გარდაიცვალა.
ბრალდებული მომხდარიდან რამდენიმე საათში დააკავეს. იგი ჩადენილ დანაშაულს აღიარებს.
სისხლის სამართლის საქმე აღძრულია საქართველოს სსკ-ის 11 პრიმა-108-ე მუხლით, რაც ოჯახური ძალადობის ნიადაგზე განზრახ მკვლელობას გულისხმობს და ისჯება თავისუფლების აღკვეთით 7-დან 15 წლამდე ვადით.
