თბილისი, 24 აპრილი — Sputnik. ემანუელ მაკრონი და მარინ ლე პენი საფრანგეთში გამართულ საპრეზიდენტო არჩევნების მეორე ტურში გავიდნენ, რომელიც 7 მაისს გაიმართება, იუწყება Sputnik France-ი Reuters-ზე დაყრდნობით.
საფრანგეთის შინაგან საქმეთა საქმეთა სამინისტროს მონაცემების თანახმად, ემანუელ მაკრონმა ხმების 23,75%, ხოლო მარინ ლე პენმა — 21, 53% დააგროვა.
საფრანგეთის ყოფილმა პრემიერმა ფრანსუა ფიიონმა ხმების 19,91% მიიღო. "დაუმორჩილებელი საფრანგეთის" ლიდერმა ჟან-ლუკ მელანშონმა — 19,64%. ორივე კანდიდატი საპრეზიდენტო მარათონს გამოეთიშა.
პირველ ტურზე ამომრჩეველთა აქტივობა 78,69% იყო, ხოლო 2012 წლის საპრეზიდენტო არჩევნებზე კი 80,42%.
საფრანგეთში საპრეზიდენტო არჩევნები მეთერთმეტედ ტარდება. პრეზიდენტ ფრანსუა ოლანდამდე უმაღლესი სახელმწიფო პოსტი ეკავათ შარლ დე გოლს, ჟორჟ პომპიდუს, ვალერი ჟისკარ დესტენს, ფრანსუა მიტერანს, ჟაკ შირაკს და ნიკოლა სარკოზის.